Vastuparv

વસ્તુપર્વ (Ghazal Sangrah)

વસ્તુપર્વ

માણસ જીવંત છે કારણ કે ચેતનની સાથે જડ પદાર્થો સાથે એને નિસબત છે. જીવવા માટે ઉપયોગમાં આવેલી, લેવાયેલી, લેવાતી રહેલી વસ્તુઓ સાથે લાગણી જોડાય છે તેથી એ એ વસ્તુનું જીવનમાં મૂલ્ય ઊભું થાય છે અથવા સ્મૃતિમાં જડાયેલી રહે છે. રાજેન્દ્ર પટેલ એમ કહે છે કે, “આપણી જેમ, વસ્તુજગત અણુપરમાણુનો જથ્થો તો છે જ, એ ઉપરાંત એની પણ એક ચેતના હોય છે. પેલા અણુમાં રહેલા ઇલેક્ટ્રોન પ્રોટોનની ગતિની જેમ એ મનમાં નવા આકાર સર્જે છે.” કવિચિત્તમાં વસ્તુપદાર્થોના ઝિલાયેલા આકારો કાવ્યસંવેદનરૂપે અહીં રજૂ થયા છે. આ કાવ્યોમાં માળિયું, પૂતળું, રૂમાલ, ગ્લાસ, ટાંકણી, બૂટ, ડસ્ટબીન, માટલું, પોટલું એમ અનેક વસ્તુઓ અવનવા રૂપે પમાય છે.